Ceviz ayınıñ 13-den ekin ayınıñ 4-nece Ukraina Medeniyet Fondunıñ destegi ile kerçekleştirilgen “Tasil kursu Qırımtatarlar: Tarih. Medeniyet. Sanat” leyhası çerçivesinde yedi uzaqtan ders keçirilecek.
Diñleyciler içün böyle dersler teklif etilecek:
beş ders Qırım tarihı ve qırımtatarlarnıñ tarihından
bir ders medeniyetnen tanışmaq içün
bir ders sanatnen tanışmaq içün.
Ders – 45 daqqa devam etecek.
Ders içün bağlantılarnı leyhanıñ Facebook saifesinde tapa bileceksiñiz.
Er bir dersten soñ diñleyciler teşkerüv testni keçip olacaqlar.
Uzaqtan derslerniñ cedveli:
2020 senesi ceviz ayınıñ 13 – 1 mevzu: Qırımnıñ ilk insanları. Qırımnıñ qadimiy ve orta asır tarihı.
2020 senesi ceviz ayınıñ 19 – 2 mevzu: Qırım hanlığı. Qırım yarımadadasında yañı – qırımtatar milletiniñ şeküllenüvi. Devletlerara munasebetler. Qırımtatarlar ve ukrainler.
2020 senesi ceviz ayınıñ 20 – 3 mevzu: 1783 senesi Qırımnıñ ilhaqı. Qırımtatar devletiniñ inqirazı: sebepler ve zeminler. ХХ asırda qırımtatar inqilâbı.
2020 senesi ceviz ayınıñ 26 – 4 mevzu: Qırım Şuralar Birliginiñ devrinde. Qırımtatar halqınıñ sürgünligi. Qırımtatar milliy areketi.
2020 senesi ceviz ayınıñ 27 – 5 mevzu: Qırımtatar halqınıñ tarihiy vatanına qaytuvı. Qırımtatar Milliy Qurultayı. 2014 senesi Qırımnıñ işğali.
2020 senesi ekin ayınıñ 3 – Mevzu: Qırımtatarlarnıñ medeniyeti: tarih ve zemane
2020 senesi ekin ayınıñ 4 – Mevzu: Qırımtatarlarnıñ sanatı